Gəncə şəhəri ərazisində salınmış Xocalı qəsəbəsində məskunlaşan sakinlərin qəsəbədaxili küçələrə yol nişanlarının yerləşdirilməsinə kömək göstərilməsi məqsədilə Azərbaycan Respublikasının Daxili işlər naziri general-polkovnik Cənab Ramil Usubova ünvanladığı məktub öz müsbət cavabını almışdır. Cənab nazirimizin göstərişinə əsasən qəsəbəyə yol hərəkəti nişanları yerləşdirilir. Qəsəbə sakinləri bu xəbəri sevinclə qarşılayır və çox hörmətli Cənab Ramil Usubova minnətdarlıq edirlər. Bildirək ki, yol nişanlarının quraşdırılması məktəblilərin və sakinlərin təhlükəsizliyi üçün böyük əhəmiyyətə malikdir. 
        Qeyd edək ki, Gəncə şəhəri ərazisində salınmış qəsəbənin noyabrın 14-də Prezident İlham Əliyevin iştirakı ilə açılışı olmuşdur. 60 hektar sahəni əhatə edən qəsəbədə 600 ev,  müasir tələblərə tam cavab verən 440 şagird yerlik məktəb, 50 yerlik uşaq bağçası, inzibati bina, tibb məntəqəsi, klub, poçt binası və digər zəruri sosial-texniki infrastruktur yaradılıb.